ប្រពៃណីដកធ្មេញរកឃើញក្នុងកំណាយស្ថានីយទេពកោសោស្នាយ ការដកធ្មេញត្រូវបានអ្នកស្រាវជ្រាវជប៉ុននិងខ្មែរបានរកឃើញក្នុងកំណាយផ្លូវការស្ថានីយទេពកោសា-ស្នាយ ឃុំរហាល ស្រុកព្រះនេតព្រះ ខេត្តបន្ទាយមានជ័យកាលពីឆ្នាំ២០០៨-២០០៩កន្លងមកនេះ ។ ប្រពៃណីដកធ្មេញមុខ ត្រូវគេប្រទះឃើញ ដែរនៅប្រទេសចិន ជប៉ុននិងប្រទេសដទៃទៀត ។លោកបណ្ឌិតយ៉ាស៊ូដា យូស៊ីណូរី ប្រធានគម្រោងស្រាវជ្រាវស្ថានីយ កំណាយ បុរេប្រវត្តិទេពកោសា-ស្នាយនៃមជ្ឈមណ្ឌលអន្តរជាតិសម្រាប់ការស្រាវជ្រាវវប្បធម៌ជប៉ុនប្រាប់រៀបរាប់ថា នេះថាតាមរយៈ កំណាយផ្លូវការកន្លងមកក្នុងកិច្ចព្រមព្រៀងគឺអ្នកស្រាវជ្រាវជប៉ុននិងកម្ពុជាបានរកឃើញថា ខ្មែរមានប្រពៃណីដកធ្មេញផងដែរ ។ គេធ្លាប់ឃើញក្នុងកំណាយនៅចិន ជប៉ុន និងប្រទេសខ្លះមានប្រពៃណីដកធ្មេញតាំងពីសម័យបុរេប្រវត្តិ(មុនគ្រិស្តសករាជ) ។បើតាមរបាយការណ៍បឋមនៃការស្រាវជ្រាវនេះក្នុងឆ្នាំ២០០៨-២០០៩កន្លងមកក្នុងចំណោមទីតាំង (អន្លង់) កំណាយ៥ទីទៃ ពីគ្នានៅស្ថានីយ៍ទេពកោសា-ស្នាយគេបានរកឃើញផ្នូរសព៤៧ផ្នូរតែមាន២៥ផ្នូរដែលសពនៅមានគ្រោងអដ្ឋិធាតុល្អ ។ ក្នុងនោះ ទៀតគ្រោងឆ្អឹងលលាដ៍ក្បាល៧ដែលបានបង្ហាញពីការដកធ្មេញមុខចំនួន២ ។ ប្រពៃណីនេះត្រូវបាន គេស្រាវជ្រាវ រកឃើញ ប្រពៃណីដកធ្មេញមុខនៅស្ថានីយកំណាយឯប្រទេសចិន ជប៉ុន និងប្រទេសខ្លះទៀតក្នុងទ្វីបអាស៊ី ។អ្នកស្រាវជ្រាវបានសន្និដ្ឋានបឋមថាប្រជាជននៅទេពកោសា-ស្នាយពីសម័យដើមអាចមានទំនាក់ទំនងនឹងមជ្ឈដ្ឋានមនុស្សរស់ នៅក្នុងនិងក្រៅតំបន់ដែលពួកគេរស់នៅ ។ទោះយ៉ាងណាអ្នកស្រាវជ្រាវនេះពុំទាន់ហ៊ានវាយតម្លៃឱ្យជ្រៅជ្រះជាងនេះទេ គឺទុកឱ្យ អ្នកស្រាវ ជ្រាវខាងក្រោយទៀតសិក្សាលម្អិតចុះ។លោកប៉ែន និវឌ្ឍន៍ អនុប្រធានការិយាល័យរដ្ឋបាល នៃនាយកដ្ឋានបុរាណវិទ្យានិងបុរេវិទ្យា និងបុរេប្រវត្តិសាស្ត្រនិយាយថាគេរកឃើញគ្រឿងបន្លុងឬវត្ថុសំណែន ជាមួយសពខុស ពីគ្នារវាងសពមួយទៅមួយនិងតាមស្រទាប់ពីទី១-ទី៧ ។ សពខ្លះនៅសល់រូបរាងល្អស្ទើរ ទាំងអស់រួមទាំងលលាដ៍ ក្បាល និងធ្មេញផង ។ អាចមានប្រពៃណីរក្សាធ្មេញនិងដកឬជួសជុលធ្មេញដែរ ។
You must be logged in to post a comment.