ទំនាយតាមថ្ងៃសង្រ្កាន្ត៖ថ្ងៃចូលឆ្នាំដែលជាថ្ងៃទី ១ ត្រូវនឹងថ្ងៃ ពុធ ទំនាយថា៖ ឆ្នាំនោះ ព្រះមហាក្សត្រនឹងបានភស្តភាបណ្តាលការ មកពីប្រទេសផ្សងៗ ប៉ុន្តែនឹងចាញ់កូនខ្ចី កូនតូច ( កូនខ្ចីឫកូនតូចនឹងមានជោគមិនល្អ មានជម្ងឺរោគភ័យផេ្សងៗ)។មនុស្សនឹងស្លាប់ព្រោះជម្ងឺច្រើន ឱ្យក្រែងប្រយ័ត្ន សត្វពាហណ គោ ក្របI និង បាវបំរើ ។
ទំនាយថ្ងៃវរៈវ័នបត៖ ថ្ងៃកណ្តាលត្រូវនឹងថ្ងៃព្រហស្បតិ៍ ទំនាយថា ៖ ឆ្នាំនេះរាជត្រកូល ទាំងឡាយនឹងក្តៅក្រហាយចិត្តច្រើនជាអនេក។កូនឈើនិងថ្លៃ។
ទំនាយថ្ងៃឡើងស័ក៖ ថ្ងៃចូលឆ្នាំចុងក្រោយត្រូវនឹងថ្ងៃសុក្រ ទំនាយថា ឆ្នាំនេះអ្នកជំនួញ ពាណិជ្ជករទាំងឡាយដែលធ្វើជំនួញជួញដូរទាំងក្នុងប្រទេស និង ទាំងក្រៅប្រទេសនឹងប្រកបទៅដោយភស្តភាបណ្តាលការប្រាក់មាស ព្រមទាំងមានសេចក្តីចម្រើនរុងរឿង និង នាមសេចក្តីសុខជាអនេក ។ ស្រូវល្អដោយអន្លើៗ
ការពិគ្រោះទៅលើព្រះរាជទេពធីតា
នៅក្នុងឆ្នាំនេះមហាសង្ក្រាន ចូលមកនៅ ១កើត ខែ ពិសាខនោះគឺថ្ងៃពុធទី ១៤ ខែមេសា គ.ស២០១០ដោយហេតុនេះទេពធិតារបស់កបិលមហាព្រហ្មដែលជាមគ្គនាយិកាប្រចាំឆ្នាំខាលមានព្រះនាមថា «មណ្ឌាទេវី»
១-ព្រះនាម មណ្ឌាទេវី
២-គ្រឿងទ្រង់ផ្កា អម្ពរពណ៌ អន សៀតផ្កាចម៉្បា
៣-អភរណៈ កែវពិទូរ្យ
៤-ភក្សាហារ ទឹកដោះ
៥-សាស្ត្រវុធ ព្រហស្ថស្តាំម្ជុល ព្រះហស្ថឆ្វេងឈើច្រត់
៦-ពាហនៈនិងការធ្វើចលនា ទ្រង់គង់ឈរលើខ្នង គទ្រភ (សត្វលា )
ពិគ្រោះទៅលើចំណុចទី៤ ឆ្នំានេះទេពធីតាមានភក្សាហារជាទឹកដោះ សម្តែងថា ប្រទេសជាតិនឹងមានទំនាក់ទំនងខាងផ្នែកពាណិជ្ជកម្មជាមួយបរទេសច្រើនជាងឆ្នាំមុនៗពិសេសប្រទេសលោកខាងលិច ដែលនិយមបរិភោគទឹកដោះច្រើនខុសពីឆ្នាំកន្លងទៅដែលនាងទេពធិតាសោយលោហិត ជាអាហារដែលធ្វើឱ្យមានមនុស្សស្លាប់ច្រើន ។
ការដែលទេពធិតាសោយទឹកដោះក៍ចង់បញ្ជាក់ថាទឹកដោះនឹងមានតម្លៃថ្លៃ។របស់ប្រើប្រាស់ ឫទំនិញ នឹងនាំមកចូលយ៉ាងច្រើនតាមគោលនយោបាយរបស់ជាតិ ហើយវិស័យទេសចរណ៍ និង វិនិយោគ ក៍មានការរីកចម្រើនជាងឆ្នាំមុន។
ពិគ្រោះទៅលើចំណុចទី៥ ឆ្នាំដែលកន្លងទៅហើយ នាងទេពធិតាមានអាវុធ ជាទ្រីសូល៍នៅដៃម្ខាង ជាធ្នូសិល្ប៍នៅដៃម្ខាងទៀត ទើបធ្វើឱ្យមានការប្រើសាស្ត្រវុធឆ្នាំកន្លងទៅច្រើនខុសប្រក្រតី។ ឆ្នាំនេះគង់ធូរស្រាលជាងឆ្នាំកន្លងទៅពីព្រោះទេពធីតាដៃម្ខាងមានអាវុធខ្លីតូចគឺប្រើត្រឹមតែម្ជុល ឯដៃម្ខាងទៀតប្រើត្រឹមតែឈើច្រត់ដែលមិនរាប់ថាជាអាវុធអាក្រក់អ្វីឡើយ សម្តែងសេចក្តីទំនាយថា ប្រើខួរក្បាលច្រើនជាង។
ពិគ្រោះទៅលើចំណុចទី៥ ឆ្នាំនេះទេពធីតាគង់ឈរបើកព្រះនេតលើខ្នងសត្វលា សម្តែងថា៖ត្រូវមានការគិតគូរយ៉ាងច្រើន ហើយ ក៍ត្រូវតែមានការប្រុងប្រយ័ត្នបំផុតព្រោះថាទេពធីតាគង់ឈរប្រការនេះធ្លាក់លើជំទាវ ឃុនណាងច្រើនជាងមនុស្សដ៍ទៃ។ សត្វលាប្រហាក់ប្រហែលនិងសត្វសេះ ដែលកាលពីឆ្នាំកន្លងទៅ ទេពធិតាប្រើសេះជាពាហនៈ ប៉ុន្តែសត្វលាមិនឆ្លាតដូចសេះ ហើយការធ្វីដំណើរក៍មិនជារហ័ស ដូច្នេះអាចនឹងជួបជាបញ្ហា និង វិបត្តិផ្សេងៗ និង ការប្រែប្រួលមិនទៀងទាត់ ជាច្រើនលើកច្រើនសារ ការគិតគូរជាមុន និង ការប្រុងប្រយ័ត្ន ទើបជាការសំខាន់ក្នុងឆ្នាំនេះ ។
